Gjennomgåande reagerer forbrukarane på at dei har fått varer i posten som dei ikkje har bestilt, eller betalingskrav for varer dei verken har bestilt eller mottatt.

Abonnement - ingen gratisprøve
MyHygo marknadsfører seg på internett med gratis prøvepakkar på mellom anna barberhøvlar. At tilbodet i realiteten er eit løpande abonnement på barberhøvlar går berre fram av den lille skrifta i vilkåra. Dermed blir mange forbrukarar villeia.

At ein blir innmeldt i eit abonnement som kostar pengar, er eit vesentleg vilkår som må komme tydeleg fram for forbrukaren allereie i marknadsføringa. Slik informasjon skal ikkje gøymast bort i vilkåra.

Onlinecon Group har også vore i søkelyset til Konsumentverket i Sverige for marknadsføring retta mot svenske forbrukarar. Forbrukarombodet sender over klagene frå norske forbrukarar til Konsumentverket for vidare oppfølging.

Protester på krava du er ueinig i – også inkassokrava
Dersom du meiner du aldri har inngått noko avtale med selskapet eller at avtala ikkje er gyldig på grunn av mangelfulle opplysningar i marknadsføringa, må du protestere skriftleg på kravet til både selskapet og inkassoselskapet. Det er ikkje nødvendig å protestere meir enn ein gong til kvart av selskapa. Vi anbefaler bruk av e-post slik at du kan dokumentere korrespondansen i ettertid.

Du har verken plikt til å oppbevare, returnere eller betale for varene du ikke har bestilt.

Meiner selskapet dei har eit krav mot deg, til tross for at du har protestert, er det opp til dei å ta saka inn for Forliksrådet, noko Forbrukarombodet har erfart at aldri skjer i denne type saker.

Bruk gjerne Forbrukerrådets klageguide for å lage eit klagebrev til selskapet og send gjerne Forbrukarombodet ein kopi av klagen. Forbrukarombodet har etter marknadsføringslova ikkje anledning til å yte bistand til kvar enkelt forbrukar som vil klage.

Les også: Fått «gratis» barberhøvlar i posten?