Lov og rett
Forbrukarombodet skal, av omsyn til forbrukarane, føre tilsyn med at dei næringsdrivande si marknadsføring og standard kontraktsvilkår er i samsvar med marknadsføringslova.
Forbrukarombodet har også tilsynet med delar av kringkastingslova, mellom anna regelen om at det i kringkastingssendingar ikkje må sendast reklame som er særleg retta mot barn eller reklame i samband med barneprogram.
Forbrukarombodet er dessutan tillagt tilsynet med reglane fastsett i eller i medhald av kredittkjøpslova, og fører kontroll med forskrifter om fibermerking og forskrifter om vedlikehaldsmerking av tekstilprodukt m.v. Og til sist, Forbrukarombodet fører òg tilsyn med marknadsføring av alternativ behandling.
